KLASSENZUSAMMENKUNFT IN LUGANO AM  31.5.1980/1.6.1980

Schnitzelbank (Melodie: Juppheidi, Juppheida)

Liebi Chinde, losed zue

was ich Eui jetzt singe tue

hüt nänd mir mal en luschtige Tag

d'Schuel isch doch süsch e schaurigi Plag...

De Satellit kreist ellei um d'Erde

d'Erika wott Filmstar werde

und über's Jahr da chönd Ihr gseh

bim Sputnik d'Erika Nicolier...

D'Hätterich hätt e Schiibe gschlisse

wer wird die jetzt zahle müesse

de Ruedi leit, wil's s'Ruthli isch

en ganze Franke uf de Tisch...

De Peter hätt gern Weggli verteilt

und mänge Liebeschummer gheilt

wänn er chönt sini Arbet wähle

würd er de ganz Tagd_'Esther strähle...

De Schoori isch im Singe en Hit

 und im Turne immer fit

hätt er wiedr mal e Schtröfzgi gha

spielt er zum Trost Harmonika...

D'Lilia, d'Margrit und Erika

händ im Schnure en Sächser gha

und tüemmer all bim Singe schwitze

tuet d'Margrit Kussmaul Blüemli schprütze...

De Kienast und de Vögi zäme

söttet sich ganz zünftig schäme

si schwätzed fascht die ganzi Schtund

bis öppe de Steime de Zorn überchunt...

Z'hinderscht im Bank isch dr' Gruber ghocket

und hätt öpedi ganz ordli bocket

und Chaugummi kätschet a einere Tour

und Flüssblattchügeli gschosse a d'Mur...

De Schtämse i de wisse Schoss

hät Gige gspielt so ganz famos

 die Tön hät öppis nöd vertreit

d'Znünimilch isch überegheit...

V.L. + P.G.